Monday, April 2, 2007

അക്യുന്‍ അകോവ (തുര്‍ക്കി)

പ്രേമവും വാല്‍നക്ഷത്രവും

കണ്ട വൈദ്യന്മാരെല്ലാം
പറയുന്നൊരേ കാര്യം
നേരത്തേ തമ്മില്‍ക്കണ്ട-
ങ്ങുറപ്പിച്ചതു പോലെ:
“നിനക്കു പിടിപെട്ടു
പ്രേമമെന്നൊരു രോഗം
ഏറെ ബുദ്ധിമുട്ടാവും
നിന്റെ പ്രായത്തില്‍ താങ്ങാന്‍”

ജീവിതം വഴിയട-
ഞ്ഞന്ധമായപ്പോഴതില്‍
വീണ മിന്നലിലെന്റെ
ഹൃദയം പ്രകാശിക്കെ
പെട്ടെന്നു ശിഥിലമായ്
ഞാനൊരു വാല്‍നക്ഷത്ര-
മാകുമെന്നന്നേ ഞാനു-
മോര്‍ത്തിരുന്നതുപോലെ.

വിവ: മനോജ് കുറൂര്‍

1 comment:

മനോജ് കുറൂര്‍ said...

അക്യുന്‍ അകോവ (തുര്‍ക്കി)

പ്രേമവും വാല്‍നക്ഷത്രവും

രണ്ടു ടര്‍ക്കിഷ് കവിതകള്‍ കൂടി...